සැන්ඩ්විච් ෆැක්ටරි ( The Sandwich FACTORY )

මේ සැරිසැරියේ තෙවන ලැගුම් හලයි.මේ තැන පිහිටල තියෙන්නෙ බොරැල්ලෙ.උවියයි මායි අපේ පාසල පැත්තට යන්න හදනකොට තමයි දැක්කෙ,සති දෙකක් නැහැ ගිහිල්ල..
           හරි මෙතන නම කිව්වෙ නැහැනෙ "සැන්ඩ්විච් ෆැක්ටරි" තමයි මෙතන නම ගම කාරිය.විජේරාම පාර කෙලින් ම ඇවිත් වොර්ඩ් පෙදස මාර්ගෙට වැටෙන පාරෙ පාර ඉවර වෙන හරියෙම වගේ.වොර්ඩ් පෙදෙස පැත්තෙන් බැලුවොත් බෞද්ධාලෝක පාරට වැටෙන පැත්තට 100-150m යද්දි වම් අත පැත්තට වෙන්න තියෙන්නෙ. එහෙමත් නැත්තම් රොස්මන්ඩ් පෙදෙස විජේරාම පාරට වැටෙන තැන ඉදන් වොර්ඩ් පෙදෙස පැත්තට යද්දි මහා දුරක් නැහැ දකුණත පැත්තට වෙන්න තියෙන්නෙ.ඔය රොස්මන්ඩ් පෙදෙස.. බාන්ස් පෙදෙස(බාම්ස් කියලත් කියනව.. අපි කියන්නෙ බාන්ස් කියල හොදෙ) පැත්තෙ කරක් ගහනව නම්මෙතන ඇහැට අහු නොවී තියෙන්න බැහැ.අපේ අයියල මල්ලිල එහෙම දවල් එක දෙක වෙද්දි ඔය පැත්තෙ එහෙම ගිහිල්ල ඇති නෙව.අපි නම් ඉස්කෝලෙ යන කාලෙ ගියා.අන්තිමට දන්න අදුනන අය වෙනුවෙනුත් ගියා....

තියෙන්නෙ මෙතන

ඒක පැත්තකින් තියල තැන ගැන කියල ඉමුකො. සැන්ඩ්විච් කිව්වට මෙතන සැන්ඩ්විච් විතරම නෙමෙයි තියෙන්නෙ,මේකත් එක්තරා විදිහක බර්ගර් ශොප් එකක්.. එව තමයි වැඩියෙන් තියෙන්නෙ.. ගොඩක් කෑම ජාති තියෙනව තෝර ගන්න.. බිරියානි,බර්ගර්,සබ්මැරීන්,හොට් ඩොග්ස්,පැස්ටා වගේ දේවල් තියෙනව..
සැන්ඩ්විච් ෆැක්ටරි එකේ තියෙන වැදගත් දේ තමයි Hot Serve විදිහට තමා කෑම පිලිගන්වන්නෙ..
ඒ කියන්නෙ අපි ඇනවුම් කලාම තමයි ඒ කෑම එක හදන්නෙදැන් නම් ගොඩක් තැන් වල එහෙමයි,එහෙම කද්දි තමා රහ තියෙන්නෙ,චුට්ටක් විතර වෙලා යනවා තමයි ඒත් උනු උනුවේම කර කර ගාලා.. හායි හූයි ගගා කන්න පුලුවන්(මායි උවියයි පොටෑටො වෙජස් එක්ක චිකන් රෝල් කෑවෙ එහෙමයි),ඒකම මදැයි..

හදිස්සියට කන්න බොන්න නම් බැහැ.බොහොම රහට කෑම පිලියෙල කරනව මෙතන ඉතින් ඉඳල ටිකක් කතා බහ කොරලා කෑම කාල ගියාට පාඩු නැහැ.. මෙතන ඉඩ පහසුකම් එහෙමත් තියෙනව තනි තනිවම හරි හෝ කන්ඩායම් වශයෙන් හරි වරෙල්ල.. !!! එහෙමත් නැතිනම් දෙන්න දෙන්න ගානෙ එනවා නම් ඒත් නිදසේ ඉන්න පුලුවනි.. බොරැල්ලට එනවා නම් ඉතින් මේ වගෙ තැනකින් කන්න කියල හිතෙනවනම්,බම්බලපිටියටම යන්න ඕනේත් නෑ මෙතනත් ඒ ගානටම කන්න පුලුවන්...
ඉතින් මේ පැත්තෙන් යමින් ගමන වෙලාවක තැනට ගොඩ බැහැලම බලන්න.. අපි නම් කියනවා ඒත් කොහොමද කියල කවුද දන්නෙ නෙ? ඒකනෙ... ඔලුව දාලම බලන්න,හැබැයි අතේ මිටේ කාසි පනම් වැඩියෙන් තියෙන වෙලාවක යන්න කියල තමයි දන්න කියන මහත්තුරු රෙකමන්ඩ් කොරන්නෙ ඔන්න.. ආයි අමුතුවෙන් කියන්න ඕනෙ නැහැනෙ මේ වගේ තැනක් නිතර දෙවේලෙ වඳිනව කියන්නෙ.. ආර්ථිකේ සරු වෙන්න ඕනෙ...හැබැයි පාඩු නැහැ... ඒකත් අපි වගකීමෙන් කියන්නෙ.. කනවට වඩා කවන්න මරු තැන..

මේ තියෙන්නෙ පෝස්ට් එක දාන්න කියල ගියපු දවසෙ කාපුවා..

බොරැල්ලෙත් තියෙනවා තව තැන් ටිකක් ඒවටත් හිමිහිට ගිහිල්ල පෝස්ට් එකක් ලියන්නම්කො..

සැරිසැරියත් එක්ක ඉන්න... 

ජීවිතේ විදින්න තියෙන දේවල් අපිට පුලුවන් තරමින් අපි අරන් එන්නම්...

එහෙනම් අදට සැරිසැරිය මෙතනින් ගිමන් නිවාගන්න වගයි..

The Tea Cup (ද ටී කප්)

තේ බොන එක ලංකාවේ අයට අලුත් දෙයක් නෙමෙයි, ඒ උනාට තේ බොන්න කියල විතරක්ම හදපු තැන් ලංකාවේ වැඩිය නැ. කොහොම හරි අලුතෙන් වැඩේ පටන් අරන්,සම්ප්‍රදායික තේ එකට ආයුබෝවන් කියලා අලුත් ආරක වැඩක් තමයි.කලාවට වැඩේ.. හැබැයි මේ තැන ගොඩක්ම ප්‍රසිද්ද විදේශ සංචාරකයන්ට තමා, ඒ උනාට ලංකාවේ ඕන කෙනෙක්ට මේ තැනට යන්න පුළුවන් මොකද මේකේ අරමුණත් ලංකාවේ අයට හොදම තේ රස බලන්න දෙන එක තමා, මොකද අපේ රටේ තේ හැදුවට අපි බොන්නේ රොඩ්ඩ නේ , හොද ටික පිට රට යවනවනේ.ඔන්න අපේ අයට හොදම තේ රස බලන්න පුළුවන්.


 ඔන්න ඉතින් පහුගිය දවසක ඩිව් ගේ ජංගම දුරකථනය නාද වෙනවා
-:හෙලෝ උවියා කියන්න.
-: මචන් අලුත් තැනක් තියනවා යමුද ?
-: අනිවා එකෙන්ම,කොහෙද ?
-: අලුත් ටී ෂොප් එකක් දාලා තේ බොන්න විතරක්ම හදපු තැනක් ටිකක් වෙනස්,යමුද? මම උදේම කැම්පස්   එකට ඔලුව දාලා පනින්නම් උබත් මොකක් හරි කරලා වරෙන්..
-: හරි උවි අනිවා මම එනව..


ඔන්න ඉතින් දවල් වෙනකොට අපි දෙන්න ඒකට සෙට් වෙලා ඉවරයි , අහ් කලින් කියන්න බැරිඋනානේ එකේ නම , " ද ටී කප් " (the tea cup) තමා එකේ නම, ඔන්න එක තියෙන්නේ ඩුප්ලිකේෂන් රෝඩ් එකේ අංක 339 කියන තැන, ඔය බ්‍රිතාන්‍ය කවුන්සිලය ට ලග පාත.. එතකොට මහානාම ඉස්කොලෙටත් ලගයි.

මේ තමයි තියෙන තැන

ඔන්න ඉතින් එතන තියෙන්නේ තේ වලින් වැඩ දාපු තේ. උණුවෙන් ඕනිනම් උණුවෙන් තේ තියනවා සීතලට ඕනිනම් අයිස් ටී තියනවා, තේ වර්ග 52ක් තියෙනවා කියල තමයි අපිට කිව්වෙ.ලංකාවේ අපේ අය බීල නැති තේ වර්ග ගොඩක් මේකේ තියනවා ඒ කිව්වේ ලෙමන්,පීච්,බ්ලැක් කරන්ට්,ඇපල්,නෙල්ලි,රම්.........වගේ නා නා ප්‍රකාර විදිහේ තේ ඒ වගේම සැන්ඩ්විච් වර්ගත් එහෙම තියෙනවා.

විසාල මෙනු එක

ඒ විතරක් නෙමෙයි විවිධ විදියට හදපු තේ වර්ගත් තියනවා මිල්ක් ෂේක්,ටී ෂේක්, වගේ දේවල්.. කවුද දන්නේ තේ වලින් මෙහෙම වැඩ දාන්න පුළුවන් කියල , ඔන්න ඉතින් ඔ ගොලොත් කැමතිනම් එතනට ගිහිල්ල බලන්න. ඕගොල්ලන්ට එළිමහනේ ලොකු කුඩයක් යටට වෙලා තේ බොන්නත් පුළුවන්..

එහෙම බෑ බෑ වගේ,කවුරු හරි දැක්කොත්!!! අනේ..... කියල හිතෙන අයට ඇතුලට වෙලා තේ බොන්න පුළුවන් පහසුකම් තියනවා.

ඒ විතරක් නෙමේ මේකේ තේ ගැන හැම විස්තරයක්ම බලා ගන්නත් පුළුවන් වෙන විදිහට තමා තියෙන්නේ. කස්ටමර් සර්විස් එක නම් උපරිමයි.. සංග්‍රහ කිරීමෙ ඉඳල ඕනෑම දෙයක්.. තේ වර්ග ගැන.. තේ එකක් කොහොමද හරියාකාරව හදාගන්නෙ (අපි දන්නෙ උණු වතුරට තේ කොල දාල හිත පිරෙනකන් රත් කරල තේ බොන්න නෙ.. ඒක නෙමෙයි රසම විදිහ ඔන්න..) වගේ දේවලුත් දැනගන්න පුලුවන්.. ඔගොල්ලටත් විවේකයක් ලැබුන වෙලාවක මෙතනට
යන්න පුළුවන්. ගිහින් බලන්න... 

අත්දැකීම අලුත් එකක් වෙයි..

එලියෙ නම් එලියෙ..

ඇතුලෙ නම් ඇතුලෙ..

ඇපල් සහ පීච් ටී

ගියාට පාඩු නෑ. ගිහින් ඇවිත් කොමෙන්ටුවක් එහෙම දාලත් යන්න... ඔබේ අදහස් තමා අපිට වටින්නෙම... 

සුපුරුදු බාර් එක ......

ඔන්න ඉතින් හා හා පුරා කියල මුලින්ම ලියන්නේ කොහෙද කියල හිත හිත ඉන්නකොට තමා මතක් උනේ මේ බ්ලොග් එක කරන්න අපේ ඔලු වලට මුලින්ම අදහස ආපු තැන ගැන ම ලියල පටන් ගන්න ඕනි කියලා. ඒ තමයි අපේ සුපුරුදු බාර් එක, බාර් එකට වෙලා ඉන්න කොට තමා අපි දෙන්නගේ ඔලුවට මේ අදහස ආවේ . හ්ම් කලින් කියන්න බැරි උනානේ මේක අර කොටු කොටු වැටෙන  බාර් එකක් නම් නෙමෙයි. ඒ කිව්වේ දෙපයින් ගිහිල්ල හතර ගාතේ එන තැනක් නෙමේ කියලා , ඩිව් සහ මම කකුල් දෙකෙන්ම ගිහිල්ල කකුල් දෙකෙන්න ම තමා එලියට එන්නේ   ... 
ඔහොම කියවන් යන්නකෝ ....  ඔන්න මුලින්නම මම කියන්නම් මේක තියෙන්නේ කොහෙද කියලා , මේක තියෙන්නේ බොරැල්ලෙ ඉඳලා කොටුව පැත්තට යද්දි මරදාන පාරයි ටවුන් හෝල් එකට යන පාරයි  සම්බන්ධ වෙන්නෙ මේ පාරෙන් තමයි,කොටින් ම කිව්වොත් බොරැල්ල හරස් පාරේ , ලේසියෙන්ම හොයාගන්න පුළුවන්,

ඔන්න පුලුවන් විදිහට තැන දැම්ම..

 මෙතැන යාලුවෝ තුන් හතර දෙනෙක්ට එකට කාලය ගත කරන්න හොදම තැනක්,අපේ සැට් එක නම් නිතරම වගේ ඔතැනට එක්කාසු වෙනව,කට්ටිය වැඩි ආදරේට කියන්නෙ J.B කියල... ඕං පටලෝ ගන්න එහෙම එපා මේ අර සින්දු කියන උන්දැ නෙමේ.. ඇයි එතකොට දෙන්න දෙන්න ඉන්න අය ඒ අයටත් කියාපු තැනක් .පැය කීපයක් ගත කරන්න කියාපු හොදම තැන, හදිසියකට තිබහක් හැදුනම හරි.. හිතවතෙක් හරි හිතවතියක් හරි මුණ ගැහුනම.. වැඩි ගානකුත් අතේ නැතිනම්.. ලඟ පාතකින් යනව නම්.. ගිහින් එන්න පුලුවන් බය නැතුව ඇරත් දැන් කාලෙ හැටියට හොදවයින් දෙකක් දාගන්නව කියන්නෙ.. හොදවයින් පහකට විතර තට්ටු වෙන වැඩක් නෙ,අනික හිතවතියක් හම්බුනාම ඉතින්.. බැහැ නෙව. 
මෙතනින්රුපියල් 100 - 150 ක් අතර ගානක් තමයි එක්කෙනෙක් ට තට්ටු වෙන්නෙ, කෝ මේකේ මොනවද තියෙන්නේ කියලා කිව්වේ නැනේ මේක ජුස් බාර් එකක් ඒ කිව්වේ පලතුරු බීම කඩයක්, ගාණත් සාදාරණයි.වැඩි විස්තර බලාගන්නව නම් මේකෙන් පේයි ද මන්දා..

ඒ වෙලාවෙ හොඳ කැමරාවක් තිබුනෙ නෑ අතේ..  .ඒ වගේම මං හිතන්නෙ මෙතන ඩිලිවරි සර්විස් එකකුත් තියෙනව.. අපි නම් ඩිලිවර් කරන් නැහැ,ඒත් ඕන කරන අයට දැනගන්න එක්ක ටෙලිෆෝන් නම්බර් එකත් දාන්නම්..0115744448 .

ඔය මේ ඇපල් එක අපේ බුද්ධිකයා ගේ..

 ආහ් තවත් දෙයක් කියන්න බැරි උනා... ඉස්සර නම් තිබ්බෙ නැහැ පෙරේදත් මම ගියා නෙ.. ඔන්න කප් කේක් වගයකුත් තිබ්බා ඔන්න... මොකද ගොඩක් අය හිතන් ඉන්නේ මේ ලංකාවේ යන්න තියෙන නේ තැන කීපයක් කියලනේ,.තව ගොඩක් තැන් තියනවා යන්න ......අපිත් එක්ක ඉස්සරහට හිටියොත් ඒ අනෙක් තැන ගැනත් විස්තර අපි ගේන්නම් ඔ ගොල්ලන්ගේ බජට් එක ( ඒ කිව්වේ පොකට් එකේ ගාන ) සහ  අවශ්‍ය තාවය බලල යන තැන තෝරාගන්න පුළුවන් ඒ විස්තර ඔක්කොම අපෙන් හොයා ගන්න පුළුවන්..............
  

අපේ මේසෙ...

වෝටර් මෙලන් නොවැ...

එන්න අපිත් එක්ක ජීවිතය විදින්න .......... 


" කරන්න දේවල් ද නැත්තේ  "

අපේ පටන් ගැන්ම..

       

පටන් ගන්න ඕනෙ කිය කිය හිටියට මොකද පටන් ගන්න විදිහක් හිතන්න ගියා සෑහෙන කාලයක්..
හරි.ඔය ඔක්කොටම කලින් අපි කවුද කියල කියල ඉන්නම් කො....

ආවා මෙතන අලගිය මුල ගිය දේවල් කතා කරන්න..

මට ඌ වත්,ඌට මාවත් හම්බුවෙන්නෙ අපේ ආදරනීය ඉස්කෝලෙදි.. 2005 දි විතර,ඊට පස්සෙ තමයි අපි හොඳ ගජයො වෙන්නෙ,ඉස්කෝලෙන් අස් වෙලත් යුතුකම් ඉටුකරන්න පාසලට බැඳිල හිටියා තව අවුරුද්දක්,ඒ වෙද්දි ඒ මිතුදම සහෝදර කමක් වෙලා...(මෙහෙම කිව්වට අපේ අනිත් උන් හෙම කේන්ති ගන්නව එහෙම නෙමෙයි ඕන්න.. අපි හැමෝම එහෙමයි හොඳේ...) ඉතින් ඒ කාලෙදි අපිට තේරෙනවා.. යකෝ මූත් කැමති මම වගේම පිස්සු කෙලින්න තමයි.. කන්නයි බොන්නයි.. ගමන් යන්නයි තමා එකෙන් ම කියල....
ඉතින් ඔය වගේ අම්බානකට සෑහෙන ගැලපීමක් තිබුන.. හැමදාම එක එකාට හොරෙන් කවුරුත් අපේ තෝසෙ කඩේට රිංගල තෝසෙ ගිලිද්දි,අනිවා අපි දෙන්නට අපි මාට්ටු වෙනව.. අන්න එදා තමයි හිතුවෙ එදා ඉඳල... කෑමක් බීමක් කනවනම්.. අලුතින් යමක් කමක් හොයාගනන්වා නම්.. අඩුම ගානෙ වලක් බහින්න හරි යනව නම්.. කියල තමා යන්නෙ...මොකද ඌ ගෙයි මගේයි අදහස් හරියට ලෙමනේඩ් බෝතලයක් ගානට පැහැදිලියි...
              ආයෙ දෙකක් නෑ.. දෙකක් නෙමේ දහයක් උනත් නෑ තමා...ඉතින් අදටත් මතුවටත් මේ මිතුදම එක වගේම තමයි.. ඊටත් වඩා දෙයියනේ කන බොන දේවල්,විනොදයට කරන දේවල්,යන එන තැන්, කොච්චරක් කියලද අෆ්ෆාෆා....
                ඉතින් උවියි මායි(ඩිව් වන මං තුමා )හිතුවා අපි හැමෝටම විදින්න පුලුවන් දේවල් හොයල බලල.. අත්විදල ඒවට මග පෙන්නල බ්ලොග් කෙරුවාවක් පටන් ගන්න..
හැමෝටම ප්‍රයෝජන්වත් වේවි කියල හිතනවා (ඔය පෙම් කොරන ඈයින්ටත් එහෙම වැදගත් වෙනව නම් අපිට සතුටක් ඒක) ඉතින් ආරාධනා කරනවා ඔබ හැමොටම.. එන්න විදින්න මේ ජීවිතය.. එකම තැනකට කොටු වෙලා ඉන්න එපා..

අපි එකසේම බලාපොරොත්තු වෙනවා ඔයාලා හැමෝගෙම
අදහස්.. යෝජනා.. චෝදනා... ගල්.. මුල්.. වටලප්පන්..
අයිස් ක්‍රීම්...මල්ටි බැරල්.. ක් රූස් මිසයිල..
වගේ නා නා විදීහේ අදහස්...ඒ දේවල් අපිට රුකුලක් වේවි..
ඉතින් හමූවෙමු නැවතත් අපේ හා හා පුරා කියල යන්න හදන පලමුවෙනි සංචාරයේදි..